Capability-building trainings suportado ni Gov. Barbers

Surigao del Norte (24 November) — Dako ang pasalamat sa mga empleyado sa kapitolyo sa paghatag ni Gov. Ace Barbers ug dakong pagtagad sa mga panginahanglanon labi na ang pagdugang sa mga kapasidad sa mga kawani sa probinsya aron sa paghatag ug kalidad ng panirbisyo sa mga katawhan.

Ang Human Resources Management Office nga maoy namuno sa maong mga pagbansay-bansay anaa na karon sa ika 7th Batch para sa “ATO INI ” Core Competences Seminar karong Nobyembre 20-21, ug mosunod ang ika 8th Batch sa Disyembre 4-5, 2008. Gipahigayon usab ang Supply and Property Management Training sugod Nobyembre 19, 20 ug 21, 2008 alang sa 1st Batch ug magsugod usab ang Supervisory Enrichment Training karong Nobyembre 26,27 ug 28 alang sa 1st Batch ug sa Disyembre 3,4 ug 5 alang sa 2nd Batch.

Ubay-ubay ang nakadayeg sa gihimong mga pagbansay-bansay labi na ang mga hingtungdan nga mga empleyado sa gipakita nga importansya sa administrasyong Barbers alang sa kalamboan sa mga kawani sa probinsya.

Matud pa sa maalagarong Gobernador Ace Barbers dako ang iyang panglantaw sa ikaugmad sa mga kapasidad sa mga empleyado o ang gitawag nga mga “frontline service providers” tungod ka yang pagpangalagad nga may kalidad maoy sumbanan sa usa ka episyente ug epektibo nga pangagamhanan diin maoy gitinguha kanunay sa iyang administrasyon. (PGO-Media Bureau Surigao del Norte/PIA-Surigao City)