100,000 cavans of rice arrive in Caraga

At least 100,000 cavans of rice imported by the National Food Authority (NFA) arrived in Mindanao to ease the problems caused by a recent rice price hike in the region.

Radio dzXL reported Friday that the 100,000 cavans meant for the Caraga region arrived on board two vessels from Vietnam and Thailand.

NFA Dinagat Island provincial manager Regino Delfin said they expect the newly arrived shipment to keep supply and prices of rice in the region stable.

Caraga covers the provinces of Agusan del Norte, Agusan del Sur, Dinagat Islands, Surigao del Norte and Surigao del Sur.

In past weeks, prices of rice in some cities in Mindanao shot up, with the NFA blaming part of the problem to farmers who partially hoarded their supplies or were anticipating the lean months starting July. (GMANews.TV)

5 Sikop Sa Illegal Logging Sa Surigao Norte

LIMA KA MGA tawo ang gidakop, samtang 10,700 ka boardfeet ang nasakmit sa mga awtoridad sa gihingsugang kampanya sa gobyerno batok sa illegal logging sa Surigao del Norte ug sa Agusan del Sur. Matud sa flash report nga nadawat ni Chief Supt. Jaime Milla, regional director sa PRO 13 bag-uhay pa lamag, ang hiniusang paglihok sa Philippine National Police (PNP) ug sa Department of Environment and Natural Resources (DENR) miaresto sa lima ka mga tawo nga gipasanginlang nalambigit sa illegal nga pagpamutol sa kahoy, ug pag-transport sa mga forest products.

Padayong gi-imbestigar didto sa San Benito Police Station sa Siargao, Surigao del Norte ang mga dinakpan. Ang ilang mga ngalan hinuon, wala una ibutyag sa publiko, samtang gipadayon pa ang imbestigayon ug giandam pa ang pagpasaka ug kaso ngadto sa korte.

Sumala sa report, ang lima nadakpang namutol ug mga kahoy didto sa Sitio Campinganon, Barangay Mariboc, lungsod sa San Benito. Nasakmit sa mga pulis ang usa ka chain saw, chain guide, tool box ug 185 board feet nga ginabas nga mga kahoy.

Sa lahi nga operasyon, nasakmit sa mga pulis sa Sison, Surigao del Norte ang 400 ka board feet nga forest products nag gibiyaan didto sa Barangay Ima, sa lungsod sa Sison.

Sa Agusan del Sur, hiniusang elemento sa Bunawan CENRO-Cuevas Monitoring Station ug 140 3rd Provincial Police Mobile Group pinagulohan ni Forester Fortunato Reyes, Jr. ug Senior Police Officer 1 Vidal Dumaloan, nakasakop usab sa usa ka Fuzo truck hauler nga kargado ug 4,528.32 board feet sa illegal nga pagputol nga mga kahoy didto sa Crossing cuevats, Trento town, Agusan del Sur.

Sa report gibutyag nga ang driver, nga giiling si Gilbert De La Cruz, walay gikapresentar nga mag papeles nga magmatuod sa legalidad sa kargamiyentong forest products.

Tikas Diri, Tikas Didto

Ang Liquified Petroleum Gas (LPG), maoy labing sayon ug limpiyo nga gamit sa pangluto sa pinobre nga kusina, mao nga daghang panimalay ang naggamit niini karon luyo sa kamahal sa presyo. Kaniadtong Mayo 9, 2008, nagpalit ko og usa ka tangke nga LPG nga ang timbang sumala sa gisulat sa tangke 11 kilos diin ang maong timbang pulos gyud LPG sa presyo nga P670 pa, usa ka bulan ang milabay.

Niadtong petsa 8 sa Hunyo, tungod kay nahurot na man ang sulod sa tangke, nagpalit sab ko og laing tangke nga parehas ra og timbang, 11 kilos, apan ang presyo tag P710.00 na, nga sa ato pa, P40,00 na ang usbaw. Busa, nagtuo ko nga sobra sa P3.00 ang usbaw matag tangke tungod miabot na man kini sa P40.00. Kini kuno nga presyo matod sa gasul dealer, P0.50 pa una ang gipatong nga usbaw sa P3.50 nga gisibya na daan sa Liquified Petroleum Gas Marketers Association (LPGMA).

Buot ipasabot nga duna pay P3.00 nga umaabot nga usbaw sa presyo niining bulana tungod kay kada semana man kuno ang usbaw.

Mao kini ang nakadaot, matod pa ni Energy Secretary Angelo Reyes tungod ka yang maong Presyo gisibya na daan sa LPGMA bisan wala pa magmando og bag-ong usbaw ang gipalitan nila sa LPG Matod ni Reyes, sama ra kuno kini sa usa ka CARTEL nga mao na ang magbuot sa presyo.

Morag tinonto bitaw sab kini nga paagi sa LPGMA tungod kay gikondisyon na daan ang utok sa pumapalit aron dili na moreklamo tungod kay nasayod na daan sa umaabot pa nga presyo. Ang pasumangil, nga kuno miusbaw ang presyo sa world market bisan walay pa gisibya nga usbaw. Kon dautan man ang katuyoan sa pag-anunsyo sa pasiunang pag-usbaw sa presyo, mas labing dautan ang pagbaligya sa LPG nga gikuhaan og timbang apan parehas ra mahal presyo. Gisayonan ka nga imbes 11 kilos ang timbang, 8 kilos na lang ang tinuod? Sa ato pa gikuha na ang tres (3) kilos!!

Sus! pagkalampingasan niining mga tontoha! Mao nga nangugat si Reyes sa dihang nabaniog ang kawat sa timbang luyo sa daan na nag-ilaid sa kalisod nga katawhan. Luyo luyo na ang tikas karon, tikas sa presyo sa bugas, LPG, kuryente, presyo sa produktong petrolyo, buhis sa gobyerno nga gihatag gikan sa katawhan naghago, tikas sa cell phone, sa mga bokal ug uban pa. Mao na ni ang giingon, TIKAS DIDTO, TIKAS DIRI. (Willy Evangelio)

1 Patay Sa Dasmag Sa Multicab

Patay gayud ang usa lalaki human nabangaan sa usa ka multicab didto sa Rizal St., Km. 1, Surigao City alas 4:20 sa hapon niadtong usa ka adlaw.
Ang biktima giila sa Surigao City Police Station nga mao sa Bernardo Hinulos y Ruperez, taga 0279 sa Purok P. Reyes St., Surigao City.

Sumala sa report, si Hinulos, kalit lang nabanggaan sa Suzuki passenger Multicab nga may Plate No. LYD 392. Ang maong sakyanan, gipanag-iyahan ug gimaneho sa usa ka Alberto Auditor.

Ang biktima nakabaton ug samad sa iyahang ulo ug daling gidala sa Caraga Regional Hospital ug gibalhin sa Surigao Medical Center. Apan pipila lang ka oras didto sa tambalanan, ang biktima nakabsan gayod sa hinulaman niya nga kinabuhi.

Ang multicab driver gidetene karon sa Surigao City Police Station alang sa tukma nga disposasyon.

Namakak ang Gobyerno?

Sugod niadtong Sabado Mayo 31, 2008, ang Liquified Petroleum Gas (LPG) gipatas-an na sa tag P3.00 kada kilo ang matag 11 kilos nga tangke. Ang LPG Marketers Association maoy misibya niini. Sa ato pa, P33.00 ang usbaw sa kada tangke. Ug diri sa amo sa Gensan, Surigao del Sur, ang kasamtangang presyo sa gasul tank nga tag P698, kon dungangan og P33.00, moabot na ngadto sa P731.00 matag tangke nga 11 kilos.
Ang atong nahisgutan sa unahan mao ang LPG nga gamiton aron pagluto sa bugas, ug walay pay labot ang uban nga lutuonon nga puwerte na usab kataas ang mga presyo niini.

Ang bugas nga medyo hamis, kaniadtong milabayng adlaw diri sa Tandag City, dunay P35-36.00 kada kilo. Apan sugod sa buntag sa Byernes natingala ang mga pumapalit ngano nga mikalit man pag-isbaw ang presyo sa tag P42.00-P43 matag kilo. Nakurat ang mamalitay tungod kay wala pay gani tulo ka adlaw, mimarka na ang usbaw ngadto sa tag P6.00-P7.00 matag kilo ang retail price.

Mao nga aron masayran unsay nahitabo, akong gitawagan ang usa ka wholesaler/retailer sa bugas nga mao si Lester Dagondon, manager sa Estrella Marketing sa Tandag City ug gikahinabi ko sa telepono.

Matod ni Lester: “Kuya Willy, (akong radio name) nahitabo ang kalit nga pag-usbaw sa presyo sa bugas dinhi sa Tandag City tungod sa pipila ka mga hinungdan. Una, sa pag-usbaw sa gasolina ug krudo niining semanaha, misunod dayon pag-usbaw ang presyo sa humay. Kada kilo nga humay mogasto ang komersyante og 31 sentabos, mohatag pa og 20 sentabos kada kada kilo nga komisyon ngadto sa nagpaigo kon hain makapalit og humay ang negosyante isip insentibo. Unya, ang percentage of recovery gikan sa galingan 61% lamang tungod kay upahon ang humay karon gikan sa tresher ilabina ang humay nga gikan sa San Miquel nga maoy nag-ani karon.”

Ika duha, tungod kay taas pa ang panahon nga maka-ani ang mga mag-uuma gikan sa CARCANMADCARLAN area. Sa Agusto ngadto pa Septyembre sila didto mag-ani, busa kulang ang suplay. Nia usab karon ang mga mamalitay og humay gikan sa Davao, Gensan, Cotabato, Bukidnon, Zamboanga ug uban pang mga lugar sa Mindanao. Kini sila maoy mopuhal sa presyo. Kaniadtong milabayng semana, ang presyo sa humay tag P20-22 pa kada kilo apan karon nahitabo na ang palabwanay sa presyo ug ang highest bidder maoy makapalit og daghan. Ang presyo sa humay, moabot na gikan P22-P25.00 matag kilo,” patin-aw ni Lester.

Ang kamatuoran, matod ni Lester, bisan kinsa nasayod nga KULANG gyud ang supply sa bugas. Kon dili pa kulang, ngano nga ang taga Zamboanga nga namaligya og baka ug kabaw, dinhi sa ato namalit og humay sa ilang pagbalik didto, ug namuhal sa P23-P25.00 ang kilo.? “Wala lang gyud itug-an sa atong gobyerno ang kamatuoran,” matod ni Lester.

Ang National Food Authority (NFA) diyutay ra sab ang ilang gi-display nga NFA rice didto sa ilang retail outlets karon tungod kay paspas kayo ang pinalitay ug dili makasustenir ang ilang stocks. Apan ang gobyerno permi nagbandilyo nga daghan ang bugas! Unsa na ni? NAMAKAK ANG GOBYERNO? (Willy Evangelio)